Guía para a implementación do sistema de doazón de excedentes alimentarios en comedores
07 Abr 2026
Elaborada a partir dunha experiencia xa validada en varios centros, a guía nace co obxectivo de axudar a outras organizacións a reducir o desperdicio alimentario e transformar os excedentes aptos para o consumo nun recurso con valor social.
É un documento práctico que recolle os pasos, controis e criterios necesarios para poñer en marcha circuítos de doazón seguros e estandarizados en comedores colectivos.
A guía enmárcase na Lei 1/2025 de prevención das perdas e do desperdicio alimentario e ofrece unha folla de ruta para que as organizacións poidan reducir o desperdicio e canalizar os excedentes aptos para o consumo cara a entidades sociais, garantindo en todo momento a seguridade alimentaria e o cumprimento da normativa.
O documento detalla os principais pasos do proceso, desde a identificación dos excedentes e o control da temperatura ata o envasado, a etiquetaxe, a conxelación, o almacenamento e a recollida por parte da entidade receptora. Ademais, inclúe anexos e modelos prácticos para facilitar a súa aplicación en diferentes contornas.
